توفارقان ~ tufarqan

[اؤزل آد]توفارقان 51 کیلومتر تبریزین گونئی باتی طرفینده قرار تاپیب، گونش ایلی 1320 ده نفوسو * 13000 نفر تورک قئید اولوبدور، دنیز سوُلاری سَویه سیندن 1368 متر یوکٌسکلیکده اوْلاراق گونش ایلی 1375 ده جمعیتی (توْپلام، شهر، 45908 نفر، اوزٌئی گئنیش لیگی ،52,699 ، کند) 98,608 1550 بلیرلهنیبدیر، بو شهرین آدی گونش ایلی 1316 دا km2 پهلویچی ایران فرهنگستانی طرفیندن دَییشیلدی و قوْندارما آد اولاراق آذرشهر قوْیولدو. خالق دئییشینده اوْلان توُفارقان آدی اسکی عربجه قایناقلاردا داخرقان، داخیرقان و سوْنرالار فارسجا قایناقلاردا دهخوارقان یازیلیبدیر، تورک بیلگین لری بوُ سؤزون کؤکونو دوُوار (حاصارلی یورد)، و تاوراماق یعنی دایم حرکتده اولان (دایم حرکتده اولان اینسانلارین یوردو) کلمه لرینه باغلاییرلار و توُفارقان کلمه سی مجازاً حصارلی و کؤچهریلرین بؤلگه سی معنالانیر؛ بو کلمه تاوار/ داوارلاری بوْل اوْلان یئر آنلامیندادا اولابیلیر و یئنه ده وارلی و بوللوق یئر معناسیندادیر، البتده قان/ غان/ گان/ جان اکلری یورد آنلامیندا چوخلو آذربایجان یئر آدلاریندا ایشله نیببدیر، ایدی و یوُوا داغی « ائشیک بازار » توفارقاندا اصلی بازارین آدی توفارقانین ایچینده اولان بیر تپه نین آدیدیر و محله لریندن نئچه سی بئیلهدیر (قایناق: دکتر حسن م. جعفرزاده) پازوکی، یوُمیان (قوتسال مکان)، جولفایی (توخوجولوق صنعتی نین اولدوغو یئر)، حالواییْ، چارسیْ، دیزه، کؤش کوچٌه سی (کؤشک کوچٌه سی)، اَنگی ائو، چاپار، خوْیلو محله سی؛ باخ: تبریز، آذرشه ر.
(آذربایجان سؤزلوگو - 2013؛ اسماعیل جعفرلی)

توركجه - توركجه sözlüğünde توركجه توفارقان kelimesinin توركجه manası nedir? توركجه dilindeki توفارقان kelimesinin توركجه dilindeki manasını yukarıda okuyabilirsiniz. توفارقان diğer dillerde anlamlarına aşağıdan ulaşabilirsiniz.